Тасума ХХК

Блокууд нь нарийвчлалтай нэгэн жигд хэмжээтэй учир ханын зузаан болон өргөн уртад алдаа гарахгүй. Маш хөнгөхөн хөөсөнцөр блокуудыг хүүхдийн хамт ч тоглоом тоглож байгаа мэт хөгжилтэйгээр маш хурдан хугацаанд өрж угсрах боломжтой. Туршлагаас харахад ижил хэмжээний тоосгон байшин барихаас 3-4 дахин хурднаар байшингаа ашиглалтад оруулах боломжтой байдаг.

Пенополистирол буюу хөөсөнцөр нь дулаан, дуу чимээ тусгаарлагч материал учир дахин нэмж дулаалга, дуу чимээ тусгаарлагч материал хэрэглэх шаардлагагүй. Амины орон сууцанд зориулан гаргаж буй 25см-н зузаантай термоблок хана нь 50см-н зузаантай дан модон хана, 2м-н зузаантай тоосгон хана, 4м-н зузаантай бетонон ханатай дулаан хадгалалтаараа ижил байх онолын тооцоотой байдаг.

Термоблок нь өөрөө дулаан хадгалалт маш сайтай учир бетондоо тусгай бодис хэрэглэсэн тохиолдолд дүн өвлийн хүйтэнд ч байшингаа бариж цутгалтаа хийх боломжийг олгодог.

Термоблок нь маш хөнгөхөн учир угсралтад хүнд машин механизм хэрэглэгддэггүй.

Термоблок дотроо цутгалтаа хийж дулаалгатай цутгамал бетон ханаа бэлэн болонгуут гадна дотно заслыг хийхэд бэлэн байдаг. Гадна заслыг тор наан шавардах, өнгөлгөөний стикер материалуудыг ашиглах, өнгөлгөөний тоосго өрөх зэрэг олон янзын шийдлээр хийж болно. Дотор заслыг ч гипсэн хавтан наах, шавардах, өнгөлгөөний плита наах зэрэг олон янзаар шийдэж болно.

Термобайшин технологи - Байшин барих нь тоглохтой адил хялбар болжээ 

 

Термобайшин технологи -Энэ нь "Үл авах хэв хашлага" гэдэг барилгын иж бүрэн цогц технологийн нэр юм. Олон улсад уг технологийг "Термодом, Изодом, Изобуд, ARXX, Lite-deck, Lite-form, Fold-deck, Fold-form, Formexx, Quad Lock, AAB Building System" гэх зэргээр нэрлэдэг байна.

 

Термобайшин гэдэг нь хүнд бетон цутгасан хөндий пенополистирол блокон ханатай байшин юм. Эдгээр блок нь үндсэндээ үл авах хашлага хэв болон дулаалгын үүргийг хамтад нь гүйцэтгэдэг бөгөөд бетон нь бэхжээд байшин нь цул цутгамал бүтэц болно.

Манай компани нь Монгол улсын хөгжилд хувь нэмэр болох үүднээс барилга угсралтын салбарт Термобайшин цогц технологийг нэвтрүүлэхээр зорьж байна. Олон улсад уг системийг дээр дурдсанаар янз бүрээр нэрлэдэг ч бид Термобайшин гэсэн нэршлийг санал болгож байгаа билээ. Энэ технологи манай улсад нэвтрэн хэрэгжсэнээр олон хүн, өрх харьцангуй богино хугацаанд, харьцангуй бага зардлаар тохилог байшин сууцтай болохоос гадна ашиглалтын явцад эрчим хүч хэмнэн тухтай амьдрах боломж олох нь хувь хүнээс гадна төрийн бодлого, улсын хөгжилд хэрэгтэй гэж итгэн зориглож ажлаа эхэллээ.

Термобайшин барилга угсралтын цогц шийдэл технологи нь богино хугацаанд хөөсөн полистирол үл авах хэв хашлага ашиглан бетон цутгамал барилга байгууламж босгох арга юм.

 

• Барилгын хийцийн өртөг хямд
• Угсралт хурдан алдаагүй
• Чимээ шуугиан, дулаан тусгаарлалт нэмэлтээр шаардагдахгүй
• "Дулаан" хашлага хэвэнд өвлийн цагт ч бетон цутгалт хийх боломжтой
• Хүнд машин механизм шаардлагагүй
• Хашлага хэв нь гадна, дотор аль ч талаасаа засал хийхэд бэлэн гадаргуутай
• Мод хэрэглэхгүй экологид ээлтэй